تلقيت مكالمه هاتفيه من صديقه لى تخبرنى بانه قد تم القبض على اخوها فجر امس
وعندما عاد ابى من الخارج اخبرنى انه قد تم القبض بالفعل على 48 او يزيد
والسبب اكيد كلنا عارفينه.....انتخابات الشورى
وتذكرنا سويا انا وبابا انتخابات الشعب الى فاتت....وكانت هناك تلك الملاحاظات
1-كان عدد المرشحين فى مجلس الشعب عن الاخوان المسلمين 160
2-عددالمعتقلين فى هذا الوقت من 300 الى 400 تقريبا
3-عدد الفائزين فى المجلس 88
نتكلم عن الشورى
1- المفترض ان عدد المرشحين 20
2-عدد المعتقلين.........هنا الفزوره بقى ....سايباها لتوقعاتكم
3-عدد الفائزين......دى برده انتو وشطارتكم......تتوقعو هيبقو كام
طب سؤال كمان
لماذا يمنع الامن الاخوان من الترشيح فى الاساس
هل هذا دليل على نزاهه الانتخابات...ام ان الاخوان سرهم باتع .....ام ......؟؟؟؟؟؟؟؟؟
سؤال كمان ...استحملونى
يا ترى ما هى الخطوه المقبله....ايه توقعاتكم برده؟؟؟؟
ويا ترى هيبقى عدد المرشحين فعلا 20 ام الى كم سيصل العدد...طبعا بالنازل؟؟؟؟؟؟؟؟؟؟؟
منتظره ارائكم وتفاعلتكم
وعندما عاد ابى من الخارج اخبرنى انه قد تم القبض بالفعل على 48 او يزيد
والسبب اكيد كلنا عارفينه.....انتخابات الشورى
وتذكرنا سويا انا وبابا انتخابات الشعب الى فاتت....وكانت هناك تلك الملاحاظات
1-كان عدد المرشحين فى مجلس الشعب عن الاخوان المسلمين 160
2-عددالمعتقلين فى هذا الوقت من 300 الى 400 تقريبا
3-عدد الفائزين فى المجلس 88
نتكلم عن الشورى
1- المفترض ان عدد المرشحين 20
2-عدد المعتقلين.........هنا الفزوره بقى ....سايباها لتوقعاتكم
3-عدد الفائزين......دى برده انتو وشطارتكم......تتوقعو هيبقو كام
طب سؤال كمان
لماذا يمنع الامن الاخوان من الترشيح فى الاساس
هل هذا دليل على نزاهه الانتخابات...ام ان الاخوان سرهم باتع .....ام ......؟؟؟؟؟؟؟؟؟
سؤال كمان ...استحملونى
يا ترى ما هى الخطوه المقبله....ايه توقعاتكم برده؟؟؟؟
ويا ترى هيبقى عدد المرشحين فعلا 20 ام الى كم سيصل العدد...طبعا بالنازل؟؟؟؟؟؟؟؟؟؟؟
منتظره ارائكم وتفاعلتكم
24 comments:
سلام عليكم
الوضع في الشورى مختلف
لعدة أسباب
منها إن الدولة متحفزة جدا بسبب أحداث الأزهر الأخيرة
و أيضا التعديلات الدستورية و ما سيتلوها من تطاولات أمنية رهيبة بحجة قانون الإرهاب و تطبيقه على أرض الواقع
و السبب الأقوى هو ما لمسته الدولة من مكاسب سياسية أحرزها الإخوان في انتخابات مجلس الشعب الأخيرة
و أيضا المكاسب الإعلامية
غير أن الدولة اتفضحت في مجلس الشعب فضيحة بجلاجل و توالت الاستجوابات و الماسائلات ضد الوزراء و غيرهم من المسئولين من اخواننا في البرلمان ربنا يكرمهم و يثبتهم
أضيفي إلى ذلك أيضا الدور الفعال الذي أعطته التعديلات الدستورية الجديدة لمجلس الشورى على عكس ما مضى و كونه مهمش عن الحياة السياسية
أعتقد أن عدد المعتقلين سيزيد بل سيتضاعف عن مجلس الشعب و ذلك لأن الدولة تخشى نزول الإخوان للشارع إعلاميا و تواصلهم مع الناس
لو تشوفي الدوريات و أعداد المخبرين في الشوارع يا اخت سمية !!
أعداد مهولة
أي واحد فينا معرض انه يتمسك في أي لحظة و هو بيصور أو بيعلق
هجمة شرسة على الدعاية فما بالك بيوم الانتخابات
ربنا يثبتنا يارب و يهد الظالمين
اللهم امين
ربنا يباركلك و يثبتك
قولي آمين
هو الهدف المنع التام
وأعتقد فيزيائيا هذا ممكن لهم (إذا شاء الله)
ولكنهم أيضا يريدون دراسة السيناريوهات المختلفة وردود الأفعال الواقعية دراسة حقيقية
بالإضافة لموضوع السر الباتع!!
ويمكرون ويمكر الله والله خير الماكرين
أعتقد فعلا ان الشورى مختلفة
لكن لن يختلف التعامل كثيرا
أعتقد أن العدد الذي سينجح بين 7 الى 10
بعد متاعب كثيرة في يوم الانتخابات
وربنا يستر
ايه ...البطيخة
آسف
توقعاتي من 4-6 ينجحوا مش أكتر
والله هما وشطارتهم بقى فى حكاية عدد المعتقلين دى تقريبا بياخدوا على كل راس مبلغ كويس حسبنا الله ونعم الوكيل
بس المسئلة هتبقى اكيد اهدى شويتين مش هتوصل زى مجلس الشعب
الله الموفق
السجن فى مصر بوابه الحريه
فنحن مقيدين حتى غزا سجنا تحررنا
نسأل الله العافيه للجميع
في الشعب النظام مصدقش ان شباب عمرو دياب وهيفا ونانسي الي اتحط اساميهم تلقائيا هيروحوا للانتخابات وينتخبوا الاخوان في اول مرحلة قالوا كانت غلطة في التانية قالوا لا بقي الموضوع ده غلط انزل اضرب في الناس
بس علي فكرة هفل احبها مهما حصل
ممكن ازل منها شوية وهي مش تكلمني
بس في الاخر http://shwash.blogspot.com/2007/06/blog-post_8220.html بحبها ممكن تقولي مين مين الي بحبها
طلب خاص / عايز ايميل والدك ضرورى
على abab97ba@yahoo.com
elerian54@yahoo
السلا م عليكم
والله بوست دمه خفيف واسا لته صعبه؟
ههههههههههه
ع العموم
1 لا فا ئز
2المعتقلين سيتجاوز الالف اكيد ها كو ن منهم ابقى ادعيلى
السؤ ال الاخير فعلا الا خو ان سر هم با تع
ومدد
طبعا امنياتى مثل امنياتكم بس خلينى اقول هل اذا مكن للاخوان انهم يحكموا هتبقى فى الحرية المنشودة ...منهجهم بيقوا اةةةة لكن طريقة تنفيذ كثير منهم بتقول لا للاسف او على الاقل تخوف لانة اذا كان لا يملك سلطة الان ومستضعف وينسى احيانا ويتعامل بطريقة فيها شوية كبت ذى يعنى متربى من ايام عبد الناصر فما بالكم اذا بقى ....؟؟ نعم هم امناء ولكن مسألة ان واحد اتربى على الكبت اذاى ممكن يسمح بالحرية بكل معانيها ..مش عارف وقلقلان !!!! ويحضرنى نموزج السادات هنا فقد بدأها حرية و احزاب وديمقراطية ودولة علم وايمان فلما صادمت افكارة ظهر ما تربى علية وظهرت البدلة العسكرية والدماغ العسكرى فبدأها بقولة ان الديمقراطية لها انياب ونهاها بأعتقال 1536 معتقل .....مش عارف اية رأيكم ...سمعونا صوتكم والصلاة على النبى .....واوعى تضرب
ياريت والدك يشارك معاكى فى ردك ان امكن
السلام عليكم
الحقيقة أن الدولة تعتبر دخول الأخوان الي العملية السياسية عموما هي عملية اشبة بعملية عسكرية , ولذلك النظام وهو لا يدري يغلق كل الطرق السلمية للأخوان وغيرهم بالمشاركة في الحياة العامة , ببساطة أنه يعتبر ان البلد ورثها كابر عن كابر يبيع ترابها وخيرها , وبالتالي انتزاع حريتنا وكرامتنا تحتاج الي جهد أكبر وتعاون مع القوي الوطنية وعلينا أن نبدأ بإصلاح أنفسنا لفرض الأصلاح علي أرض الواقع
أنا حر
http://ana-hor.blogspot.com/
انا اعتقد ان مافيش حد هينجح من الاخوان فى الانتخابات الجايه دى ... لظروف متعدده ...
اعتقال عدد كبير من نصار الاخوان وبذل زارة الداخليه جهودا واسعه النطاق فى اعتقال عدد اكبر من مناصرى مرشحى الاخوان
- اعتقال المرشحين نفسهم معهم من الدعايه
- التعديلات الدستوريه عواقبها
- عدم وجود اشراف قضائى يحتكم اليه
- يعنى من الاخر انتخابات كوسه ... واناو الله ما عارف الاخوان داخلين اصلا ليه .. داخلين يعتقلوا مثلا ولا ايه ... حاجة غريبه
http://lesa-3aish.blogspot.com/
متتعبيش نفسك في تحليلات وتخيلات
الواقع هيجي وهنشوف النتيجة
انما 88
20
والنتيجة ؟
التغيير؟؟
لسه ..
سمية فزورة صعبة اوي
بس عارفه بجد
احنا في ماساة
فعلا الوضع مختلف جدا
الاوضاع متضخمة بين الحكومة والاخوان
طبعا كلنا تابعنا الاحداث السابقة
وطبعا الامن لن يسمح بفوز الاخوان كما فازوا سابقا
والاعتقالات هتبقي بالجملة
لان السجون مش ينفع تبقي فاضية
احنا الحمد لله عندنا في المنصورة اعتقالات ماشاء الله
صراحة مش قادرة اتخيل عددهم هيوصل لكام ... وحسبي الله ونعم الوكيل
ليه بقي الامن بيمنع
الامن بيمنع لان خايف حاسس ان المصريين فهموا الاوضاع
وعرفوا مين الحلو ومين الوحش
وبقي هناك تفريق سواء بقي اكان الحلو دا اخوان او مستقل
الشعب كله بقي فاهم ان الوطني بيحب وطني
عشان كده الامن خايف مش خايف وبس دا مرعوب مذعور
ولسه هنشوف الايام الجاية ربنا يعديها علي خير يارب
الخطوة بقي القادمة لاتتخيلي مدي التفاؤل
وربنا يثبتنا ويحفظنا جميعا
ويثبتك ياغالية امين
ولاتحرمينا من تدويناتك القيمة
Alive the people of Palestine, against the fascism of Israel and the terrorism of the North America
Peace for Palestine
كل لما الاخوان يثبتوا قدرتهم علي في مجلس الشعب اكتر كل لما كل انتخابات تكتر اعداد المعتقلين وتقل اعداد الفائزين
المعتقلين ما شاء الله في زيادة مستمرة .. والبقية ما بين نائم خارج منزله ومنتظر الاعتقال
هناك بعض الاخوان منعوا فعلا من
الترشيح وهناك من مر بأعجوبة
ولكن مع الأمن حاليا فلا يمكن التكهن بما سيحدث
عدد الناجحين .. لا أستطيع التكهن
الدعاية ممنوعة لأقصى درجة وتم تمزيقها في أكثر من مكان
أعاننا الله
لماذا يمنع الامن الاخوان من الترشيح فى الاساس
هل هذا دليل على نزاهه الانتخابات...ام ان الاخوان سرهم باتع .....ام ......؟؟؟؟؟؟؟؟؟
--------------------
هو النظام ليه هدفين
اولا بالنسبة للإخوان
إنه عاوزهم ما ياخدوش ولا مقعد او مقعد ولا إثنين
عشان يقول اهم لما سابوا الشعارات بتاعتهم الدينية خسروا!!1
مع إن الحقيقة إنه منعهم من الدخول !!1
ثانيا بالنسبة لكل القوى
عاوز يقول قواعد اللعبة رجعت زي زمان وبلاش الضغط اللي بتمارسوة اللي عاوز بندمج في السياسة يجي يتفق معانا ومش هندي غير الي إحنا عاوزينة
وبس
-----------------
اما بقى الأسئلة اللي طرحتيها فأنا بحيكي جدا عليها بصراحة كلها عمق وبتثيير افكار مهمة
محمد حمزة
السلام عليكم لحضرتك تاااااااج عندى ارجو التكرم باستلامه وشكرا
بصراحة العيب مش في الدولة العيب في الإخوان
الإخوان بيلعبوا كل مرة اللعبة وبنفس الطريقة
حتى متى هذه المتاهة التي تدفع بها قيادة الإخوان أبنائها
ألا يوجد عقل مفكر ...يضع حدا لهذه المهزلة
ألا توجد وقفة صادقة عبر ربع قرن من دخول الانتخابات والحديث عن أننا نكسب الجمهور حينها
أي مكسب هذا الذي نكسبه
وعضو مجلس شعب يضرب وتمزق ملابسه ...هذا هو وزن الإخوان عند الدولة
وهذا هو ثقلهم السياسي
أرجو أن يفيق شباب الإخوان... ويفكر في حل هذا اللغز... ودعونا من فكرة لم لا تأت أنت بحل، لأن أول الحل هو التوقف عن العبث...وليس التفكير في ضوء عبث اللعبة الانتخابية
:( هنعرف قريبا
توقعاتى محدش ينجح وان كنت اتمنى العكس
بس كل المؤشرات بتدل على كده
اللهم انصر دينك وكتابك
وعبادك الموحدين
Post a Comment