Wednesday, May 23, 2007

ايه ومعنى

كنا معزومين قريب فى مكان ما

المهم انهم كان احد المدعويين معانا الشيخ الراوى ربنا يطيل فى عمره حتى يرى الاسلام عزيزا ( كما يدعو دائما)

المهم انهم دعوه لالقاء محاضره علينا.......صراحه اول مره اسمع لشيخ ازهرى كده...ربنا يكرمه بجد

المهم انه اختار انه يتكلم 5 دقائق فقط لا غير فكان موضوعه الذى اختار هو الايه الكريمه

"نسوا الله فانساهم انفسهم "

بجد الايه دى خوفتنى اوى ...لان اكتشفت ان تقريبا الايه دى بتفسر وبتجاوب على تساؤلات كتيره اوى كانت عندى

منها

انا ايه الى غيرنى كده؟؟؟؟ ...ايه الى خلانى ابعد عن ربنا البعد ده كله؟؟؟؟

انا كنت فين لما كنت بعمل الذنب ده؟؟؟؟......كان فين عقلى وقلبى لما كنت بعمله؟؟؟؟؟

انا ليه مسمعتش بنصيحه فلانه صحبتى؟؟؟؟.....انا ايه الى كان بيخلينى ابرر كل حاجه غلط اعملها ومكنتش شايفه خالص الغلط الى فيها؟؟؟؟؟؟

انا كنت فييييييييييييييييييييييييييييييييين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مش هاقدر اعد الاسئله الى جت على دماغى ساعتها بما يخص نفسى

حسيت ان شريط حياتى كلها بيمر قدامى

افتكر فترات كنت فيها قريبه اوى من ربنا.........فكنت بستعظم اى ذنب حتى لو كان صغير عند الناس

وافتكر فترات تانيه كنت بعيده عن ربنا.....فكنت بستهيف اوى الذنب...مش كده وبس كنت كمان بعطى تبريرات ليا ان ده صح مش غلط

وبجد مكنتش عارفه انا كان فين عقلى ساعتها.......بس الايه دى جاوبتنى

بجد نفسى الناس كلها تتامل فى الايه دى هتلاقىها بتفسر حاجات كتيره اوى بنعملها وبنشوفها فى الزمن ده

يعنى بجد بلاقى ملتزمين بيدعو الى الله وبيعملو الحاجات الى هما اصلا بينهو الناس عنها........وبجد هما مش حاسين انهم بيعملووو غلط

للاسف بقيت الاقيها اليومين دووول كتير اوى......ولانى وقعت فتره فى المشكله الكبيره دى :(

بجد نفسى الناس كلها تاخد بالها من الى بتعمله خاصه الى بيدعو الى الله....لانهم قدوةةةةةةةةةةة

بجد يا جماعه لازم نفتكر ربنا فى كل ثانيه فى حياتنا ......عشان ربنا مينسيناش نفسنا

بجد احنا نسينا نفسنا اوىىىىىىىىىىىىىىىىىىىىىىىى

ومبقيناش حاسين بالى بنعمله ده صح ولا غلط

وفى الاخر

اللهم لا تكلنا الى انفسنا طرفه عين

ياحى يا قيوم برحمتك استغيث اصلح لى شانى كله ولا تكلنى الى نفسى طرفه عين

اللهم اميييييييييييييييييييييييين





28 comments:

Alaa said...

امين
عندما نمر بفترة فتور فلنلقي بأنفسنا في أحضان صحبتنا الصالحة
فهم سيحموننا من الشيطان في وقت نكون قد تعبنا فيه من جهاد النفس و اصبحنا فريسة سهلة لشيطان
الصحبة الصالحة ثم الصحبة الصالحة

جزيتم خيرا على التذكرة
و ربنا يباركلك

عصفور المدينة said...

ذكر العبد ربه
يسبقه ذكر الله له
ويتبعه ذكر الله له
فسبحان الله وبحمده
اللهم خذ بنواصينا إليك

محمد said...

نعم .. كلنا هذا الرجل

االهم ردنا إلى دينك ردا حنيفا

جزاك الله خيرا

همسة قلم said...

سبحان الله ياسمية
تدوينتك دي كأنها جاية في وقتها

ربنا لا تؤاخذنا ان نسينا او اخطأنا

:(

البرقي said...

ليس العجب من عبد يتودد إلى سيده
ولكن العجب كل العجب أن يتودد الملك إلي عبيده وهم يعرضون عنه
من فوائد ابن القيم
ربنا يكرمك ويغفرلنا جميعا

Anonymous said...

يا رب ان عظمت ذنوبي كثرة

فلقد علمت بأن عفوك اعظم



ما شاااااااء الله

لا اقول الا كما قالت همسة قلم


تدوينة وجايية في ميعادها


جزاكم الله خيرا

Anonymous said...

جزاك الله خيرا يا أخت ... زالله لم أكمل كلامك حتى تذكرت لحظات قربى من رب العالمين ثم ما انا فيه من بعد عنه بعد ماقترفت من ذنوب ... ولا أزال أتذكرها حتى رق قلبى وذرف الدمع من عينى ... جزالك الله عنا خيرا وأسأل الله أن يقربنا منه ويثبتنا ويبصرنا دائما بخطايانا حتى لا ننساه فينسينا أنفسنا

عمرو طموح said...

تدوينة رائعة...

في فترة الامتحانات.. نحتاج لتذكر تلك المعاني كثيرا...

جزاكم الله خيرا...

الحديث عن النسيان و التناسي.. مؤلم.. و يكمله الحديث عن التذكرة و التذكر و الادكار..

يقول تعالي

الذين إذا فعلوا فاحشة أو ظلموا أنفسهم "ذكروا الله" فاستغفروا لذنوبهم، و من يغفر الذنوب إلا الله، و لم يصروا علي ما عملوا و هم يعلمون

---

اللهم يا من تحيي الارض بعد موتها.. أحي موات قلوبنا

و السلام عليكم

مشروع انسان said...

اولا جزاكى الله كل خير فدائما ما تذكرينا بالله مش عارف الواحد تاه فى وسط الحياة ووسط السياسة ووسط الانتخابات ووسط الاعتقالات ووسط الاعمال الباقية ونسى نفسه ولا ايه بجد يعنى ممكن يكون اخ وملتزم ونشيط وحركى وكل حاجة بس برضه ناسى نفسه ودى حاجة بنادى بيها من زمن للاخوة مش عايزين الانفتاح على المجتمع ينسينا نفسنا وتربيتها ده على المستوى الجماعة وعلى المستوى الشخصى فهنستفيد ايه اذا خدنا بايد الناس للجنة واحنا مدخلنهاش والله صحيح ساعات الواحد بيبص للحياة بنظرة كده يقول احنا فين من الجنة واللى عارف اللى ربنا اعدهوله فى الجنة مش عارف يصبر كام سنة بس ويجاهد نفسه يارب اغفر لنا نسالكم الدعاء

Anonymous said...

الأخت الفاضلة:( سمية) عاشقة الرحمن
السلام عليكم ورحمة الله وبركاته
قرأت ممقالاتك وشعرت بمدى صدقك وحسك الإيمانى الطيب
والذى استطاع أن يصل إلينا الرسالة
لتدخل إلى القلب مباشرة لأنها خرجت من قلب صادق
بارك الله فيك وأعزك
وجزى الله الشيخ الجليل ( الراوى) عنا وعن الإسلام خير الجزاء

أخوك
محمد

أبو نضال said...

تدوينة رائعة، جزاك الله خيرا

معنى كلنا محتاجينه و بشدة بالذات الفترة دى، أفكار كتير بتتغير عند الواحد بس يا ترى صح ولا غلط؟؟

اللهم أرنا الحق حقا و ارزقنا اتباعه، و أرنا الباطل باطلا و وفقنا لاجتنابه، و لا تكلنا إلى أنفسنا طرفة عين...آمين

Sanaa basha said...

انا لن أزيد على ما قيل
ولو أنه قليل
فى حق هذه التذكرة
وفى حق من اتبع قول المولى"فذكر انما انت مذكر"
جزاكى الله خيرا يا أسماء
---
منذ فترة وهذا الأمرلا يبارح ذهنى
وكثيييرا ما فكرت فى أمر واحد
أو نظام ما
اتبعه
فلا أنسى الله ولا أنسى نفسى
ماذا نفعل
ماالذى يرضى المولى عنا
حتى لا ترتفع الجدران بيننا وبينه عز وجل
ما الذى يعصمنا من الانغماس فى دوامة الحياة
والدوران فى فلكها دون انتباه للزمن ولا الرسالة التى نحيا لأجلها
صغائر الأعمال التى تغزل خيوطها حتى تعمى البصائر وتعمى القلوب
كيف نتخلص منها
---
ما بين الحين والحين
تأتي تذكرة
إشارة
موقف أو حدث
فأعود واتذكر
ثم أعود الى الحياة فانسى
هل من حل
---
؟

محمد رفعت said...

ممممم

ياااااااه

الموضوع خطير فعلا بجد

أحمد سعيد بسيوني said...

بسم الله
بارك الله فيك اختي الكريمة
تحياتي
البحر

Aml Ghonaim said...

ياااااااااااارب : لاتكلنا الى أنفسنا طرفة عين ...
____
هناك آيات كثيرة فى القرآن ؛ نمر عليها أحيانا مرور الكرام ؛ وفى احدى المرات تستوقفنا بشدة ؛؛؛
هذه الآية قريبة جدااااااااا
يارب ؛ لاتجعلنا من هؤلاء ؛ لاتنسينا أنفسنا ....
جزاك الله خيرااا ياسمية على هذه التذكرة ؛؛؛؛
__
وبعدين تعالى هنا؛ مالهم الأزهرية ...مكانك ياجميل ؛ كله الا ده !!!
جزاك الله الجنة ؛ وجزى الله الشيخ الراوى عنا خير الجزاء

شروق الشواف said...

جزاكي الله خيرا

محمد said...
This comment has been removed by the author.
محمد said...

الأخت سمية

يهمني أن أرى إجابتك على هذا التاج

هنـــا

Anonymous said...

صح تماما ربنا يكرمك ويعزك يارب
البعد عن الله اصعب حاجه ممكن يمر بيها انسان اصعب من اى بلاوى الدنيا خصوصا لو كان فى يوم من الايام قريب منه جدا وعرف يعنى ايه خشوع وخشيه ومحبه ورحمه بين ايد الله
ربنا يهدى المسلمين والمسلمات جميعا
شكرا

Anonymous said...

جزاك الله كل خير و اكرمك و اكرم كل

المسلمين ان شاء الله

و لى ملاحظة صغيرة (.......صراحه اول مره اسمع لشيخ ازهرى كده

اختى الكريمة الازهر الشريف به مجموعة كبيرة من العلماء الاجلاء و قد كان و مازال و سيظل ان شاء الله منارة للاسلام
و المسلمين

امنية said...

المهم مننساش ان باب التوبه مازال مفتوح فمنفقدش الامل
:)
خير الخطائين التوابين

مـحـمـد مـفـيـد said...

يمكن تكون اول زياره لي في مدونتك الرائعه
اتمني لكي دوام التوفيق والتقدم وان يجعلها الله في ميزان حسناتك يوم القيامه

Anonymous said...

حقيقي الواحد فعلا لو نظر لذنوبه هايلقيها كتير وهايندم لكن ربنا يثبتنا علي التقوي والصلاح وجزاكم الله خيرا

Anonymous said...

حقيقي الواحد فعلا لو نظر لذنوبه هايلقيها كتير وهايندم لكن ربنا يثبتنا علي التقوي والصلاح وجزاكم الله خيرا

ياسر سليم said...

نتشرف بدعوة سيادتكم والأسرة الكريمة لحضور إفتتاح المدونة الصاعدة بإذن الله .. كلماتى .. والعاقبة عندكم فى المسرات ..
حضروكم يسرنا ..
ودخانكم يضرنا ..

سناالإسلام said...

جزاكم الله خيرا يا سمية على التذكرة

Unknown said...

احسنتي في وقفتك مع نفسك ..

اللهم لا تكلنا إلى أنفسنا طرفة عين .

أُكتب بالرصاص said...

لا تعليق
غير
جزاك الله خيرا