اتكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارسته؟
ده تاج مرسل من الاستاذ محمود سعيد ....جزاه الله خيرا :)
الهوايه الى لما امارسها بستغرق فيها بجد ومن غير تريقه هى قراءه القصص وخاصه قصص ميكى
يمكن الى شافنى فى المؤتمر كان لاحظ الموضوع ده بما انى فى فترات الراحه كنت بنكب على قصه ميكى ومسبهاش غير لما حد ينادى عليا كذا مره وكنت موصيه اسماء شحاته لما حد ينادينى تخبطنى جامد عشان اخد بالى
ده غير قصص اجاتا جريستى الى كنت واخداها من شروق وكل يوم اتسلى على قصه وماما تنادينى وما من مجيب
اخر ما زهقت اخدت القصص من ورايا ونزلتها لشروق وقالتلها متدهالهاش تانى
العجيب فى الموضوع ده ان الى سال على القصص ساعتها بابا مش انا :)
بس انا عامه هوايتى القراءه
ده تاج مرسل من الاستاذ محمود سعيد ....جزاه الله خيرا :)
الهوايه الى لما امارسها بستغرق فيها بجد ومن غير تريقه هى قراءه القصص وخاصه قصص ميكى
يمكن الى شافنى فى المؤتمر كان لاحظ الموضوع ده بما انى فى فترات الراحه كنت بنكب على قصه ميكى ومسبهاش غير لما حد ينادى عليا كذا مره وكنت موصيه اسماء شحاته لما حد ينادينى تخبطنى جامد عشان اخد بالى
ده غير قصص اجاتا جريستى الى كنت واخداها من شروق وكل يوم اتسلى على قصه وماما تنادينى وما من مجيب
اخر ما زهقت اخدت القصص من ورايا ونزلتها لشروق وقالتلها متدهالهاش تانى
العجيب فى الموضوع ده ان الى سال على القصص ساعتها بابا مش انا :)
بس انا عامه هوايتى القراءه
19 comments:
ميكي؟؟؟؟؟
صباح الخير
ودى من قلبى وبصفاء نيه وربنا يحرق المدونه كلها لو كنت باكدب
انا كمان باحب ميكى
ههههههههه
ايه الفضايح دى؟؟؟
اذا بليتم فاستترو
ايه ده يا جماعه هى قصص ميكى وحشه اوى كده
انا بقرافى جميع المجالات
بس بجد الى ببقى منفصله بيه عن الواقع
هى القصص وانا بحب قصص ميكى اوى وبعدها اجاتا كريستى
بقرا كمان لنجيب محفوظ بس مش كتير
وعلى فكره بابا بيشجع جدا على قراءه القصص خاصه اجاتا كريستى
وكمان ساعات بيناقشنى فى القصه اذا كانت حلوه ولا لا
وبس كده :)
رجاء عند الرد على التعليقات افراد رد خاص بى يليق بمكانتى
لا احب الرد بالجمله
ابى لا يجيد القراة اصلا وكان بياخد القصص يعبء فيها ترمس بمناسبه انك فتحتى الموضوع دا يعنى
أختنا الأستاذة/
كم مرة قرأت كتاب الله؟؟
ليس لمزا والله..وإنما هو من باب الطمأنينةعلى الحالة الايمانية للمدونين
أسأل الله ان يدخلك الجنة بلا حساب ولا عذاب
عاشقه اوعي تكوني انتي اللي اخدتي من مصطفي اخويا مجلة ميكي اوعي
هههههههههههه
لأ بجد انتي
لو عندك معلش بقي هاتيها ما بنسيبش قصصنا لحد
أنا عمري ما قريتها ...
لكن قريت قصص زي فلاش و روايات أدهم
صبري ...
لأن معزم قرايتي في الكتب السياسية و
التاريخ المعاصر ...
عامة القراءة مفيدة و ربنا يخلي
ماما سوزان و مهرجان القراءة
للجميع ...
ما حدش يقول آمين ...
صاحب الهوامش
http://www.algam3a.com/hawamesh
أرووى
هي اللي اخذت قصة اخوكي
هههههه
شروق الشواف
ميكى ماوس
هو لس فى ناس بتقراء لميكى
هههههههههه
تحياتى
ميكي مقريتهاش بقالي كتير اوي
اجاثا كريستي اه :d
بس لحد دلوقتي انا مشفتش حد جاب سيرة هوايات غير القراءة وما شابهها
:D كمان استلفتي المجلة
هههههههههههه
بجد مش ممكن :D
بس حاول بجد تقرأي ادهم صبري .. او نبيل فاروق عموما
بحب اسلوبه اوي
بس اللي وحشني فعلا .. فلاش :) خالد الصفتي
من حوالي سنتين مشفتوش
جميل فعلاً
فيها ايه لما نقراء ميكي
عالم البرائه في كل شئ
حتي الشر فيه لطيف وبرئي
من وانا في تالته جامعة
كنت عند صديق ليا ولقيت مجلات ميكي بتاعه ولا اخته
قعدنا علي الراض وفضلنا نقرأ فيها
كان وقت جميل جداً نسينا فيه همومنا ورجعنا لعالم الطفوله اللي فقدناه للابد
المهم انه قالي ان اخته جابت حبة مجلادت ميكي من معرض الكتاب وبقالي سنه عايز اروح ازوره واستعيرهم منه
الحياه مش كلها جد
ومش كلها سياسة وهموم ووجع قلب
والقرأه مش بس علوم وادب عالمي وشعر
ساعات بنترك كل دا ونحتاج لشئ تاني
الاستاذ خالد وليس بخالد: جزاكم الله خيرا على التذكره
اعتقد السؤال من باب التذكره فقط وليس للاجابه؟
ارووى ياااه تصورى انى مكنتش عارفه ان انتى اروى
انا اه الى كنت واخده القصه من اخوكى بس مش عرفت اكملها ومش انا الى اخدتها معايا والله
شوفى مين تانى كان بيحب ميكى :)
وان شاء الله اشوفك قريب
استاذ انس اهلا بحضرتك انا كنت زمان بقرا لادهم صبرى بس مش بحب القصص الى بيبقى فيها تسلسل
عشان كده مكملتهاش
ومش هقول امين :)
شروق انتى بتفتنى عليا بلاش انتى الى تفتنى عشان انتى عارفه الى فيها :)
استاذ محمد عنانى اه للاسف انا لسه بقرا ميكى بس الصراحه يا جماعه انا عمرى ما اشترتها بستلفها بس
الاستاذ عياش كويس لقيت على الاقل حد متريقش :)
وزى ما قلت قبل كده انا عمرى ما اشتريت قصه فى حياتى دايما بستلفهم
الاستاذ محمد عجبنى تعليق حضرتك فعلا اهو اخيرا لقيت حد فهمنى
بس يابت
لأ بجد انتي
ياااااااااه
طب كنتي قولي ما تخافيش ما كنتش هقلك هاتي فلوسها
ههههههههه
يامجنونة كنتي قولي طيب
ماشي ربنا يجمعنا تاني بقي
السلام عليكم ورحمة الله وبركاته
كيف حالك يا سمية ومبروك مدونتك ودا أول رد لي فيها
بس أنا عامة بحب أرد فقط عمن استعجب أو من سأل سمية كم مرة قرأت كتاب الله
ليس معني أنها تقرأ ميكي أنها لا تمر علي كتاب الله وليس معني انها تقرأ ميكي مثلا أنها لا تحب القرآءة المثقفة
أعتقد أن سمية أحسبها علي خير ولا أزكي علي الله أحد من الأخوات الفضليات والمثقفات أنا عن نفسي يعجبني سماع القرآن منها والأذكار :)
سمية هويتك جميلة جدا ربما يأتي الوقت وتشاركي أولادك فيها وتحاوريهم فيما اطلعوا عليه
أحبك في الله
أختك
نداء
ميكى دى بجد تحفه و تحفه فنيه,بس الاعداد القديمه اللى كانت بتصدر علشان الاطفال الطبيعيين,دلوقتى بقت بتصدر للاطفال المعاتيه...
و رجل المستحيل بحس بصراحه انه استخفاف بعقولنا....
و ملف المستبقل و ماوراء الطبيعه ممكن يجى منهم بس برده خيال واااااااااااااسع.
و القرايه حلوه جدا بس للى يقرا...
بس برده ماتبقاش كل ثقافتنا ميكى وادهم صبرى كده هنبقى بجد مختلين عقليا...
ممممممممممممممممممممم
تصدقي بالله ياسمية لولا اني كنت وقتها مشغولة في الصياغة كنت اخدتها منك بعد ما تخلصيها كان نفسي أقرأها أوي :)
مالها ميكي بس ياجماعة الواحد فعلا بيحس انه بيرجع لمشاعر البراءة والطفولة لما بيقرأه المجلات دي
ومش معنى كده انه كل القراءت من نفس النوعية بل تحتوي على ميكي وماجد وسوبر ميكي
بالمناسبة ياسمية ... أنا بحب بطوط جدا أكتر من ميكي بصراحة:)
ميكى ايه بس ياجماعة اللى انتوا بتقرواها انا شايفا انها استخفاف بعقولكم وعقول العيال الصغيره والله ان فى كتب تانية لو قريتوها هتحسوا
بمتعة اكتر زى سيرة الرسول ص وخاصة سيرته مع زوجاته وانا واثقة انكم بتقروهابس تذكرة مش اكتر بدلا ماتشجعوا بعضكم على زى ميكى وغيرها
Post a Comment