Thursday, April 26, 2007

جسر التواصل




وانا اتصفح المدونات فى الفتره الاخيره


لاحظت ان هناك مجموعه من الشباب الاخوان لديهم رؤى مستقبليه للاخوان


ونقد ذاتى للاخوان


وتساؤلات كثيره حول الوضع الحالى للاخوان


وهم لا يتكلمون بلسان حالهم فقط ولكن عندما تقرا لهم تجد ان هذه التساؤلات تدور فى اذهان اغلب الشباب


ولكن لماذا؟؟؟؟


لماذا ذلك الغموض حول مستقبل الاخوان ؟


لماذا ذلك الغموض حول مواقف الاخوان؟


اعلم انى انتمى لجماعه هى من اكثر القوى المؤثره على الساحه العالميه وليست المصريه فحسب


كما اننى اثق فى قيادتنا تمام الثقه


واعلم ان لديهم من الخبره ما يطمئنى الى حد ما على مستقبلنا


ولكن ارى مشكله كبيره تواجهنا نحن الشباب


وهى الانفصال عن قيادتنا بصرف النظر عن السبب


نحن الشباب فى اشد الاحتياج الى من يسمعنا ويستوعبنا من قادتنا


فاتحت ابى بما يدور فى خالدى من تلك الافكار


وسالته لماذا لا يدخل مدوناتنا نحن الشباب ويرى ما نكتب وعلى ماذا نعترض وعن ماذا نتسائل


فرد علىٌ بان ابعث له لينكات المدونات على ميله الخاص


لكنى لا اراه حلا سليما


فلماذا لا يكون هناك لقاء دائم بين قيادات الاخوان وشباب الاخوان على شكل صالون مثلا يكون وصله بين الاجيال


يكون بمثابه جسر تواصل بين القيادات الحاليين وقيادات المستقل


هذا مجرد اقتراح اتمنى من الجميع ان يدلى برايه ومن يرى اقتراح اخر فلا يبخل علينا ؟؟؟؟؟


وجزاكم الله خيرا

47 comments:

mohamed said...

مش شايف مشكلة في ان الدكتور عصام يتابع مدونات شباب الاخوان بالعكس ان شايفه شئ كويس

واعتقد انه عنده خلفيه عن الافكار دي او بعض ما كتب او اثير من تسؤلات

بالفعل في عدد من الفجوات منها فجوة بين الشباب ومسئولينهم

وفجوه اخري بين الشباب والقياده والثقب مثال علي كدا التواصل والحوار شئ مهم ومفيد
بس الاهم انه يطلع بنتايج ويحصل تقارب فعلي

وحتي ان تمت دراسة الافكار والتسؤلات واسببها دا هيكون شئ مفيد جداً للاخوان في الفترة المقبله

ولو تمت هيكون شئ جميل جداً وشئ احيكم عليه

شهاب الأزهر said...

السلام عليكم ورحمة الله وبركاته...

بوركت في طرحك ونظرتك أخيتي، وسلمت يمينك ويمين أبيك.

بالطبع هناك اختلاف في الأسلوب بين الإخوان القدامى أو الكبار والشباب الجدد أو أجيال المدونات والمنتديات وخلافه.

هذا الاختلاف أو التنوع بين الجيلين لا أراه مذموما، ولكني أحمد الله عليه... سأوضح لماذا.. فعذرا إن أطلت

في بدايات دعوتنا المباركة استشهد الإمام حسن البنا وخلفه الهضيبي الكبير (حسن) الذي كان مختلفا عن الإمام، فلم يكن عاطفة جياشة مثل الإمام في صدور الإخوان، كما لم يكن متحدثا، وهو ما أصاب الإخوان الشباب حينها بخيبة أمل وعادوا وقتها من حفل اختياره مرشدا وهم يندبون حظ الدعوة العاثر، ولكن ما لم يكن يعرفه الجميع حينها أن الله يختار لكل فترة من الزمن لدعوته ما يناسبها من الرجال، فيقر الإخوان إلى الآن أن الإمام رحمه الله لم يكن ليحتمل ما يراه من تعذيب لأبنائه، وأنه كان سرعان ما سيتراجع ليرفع الألم عنهم، ولكن الهضيبي كان صخرة في احتمال فترة التعذيب وبث روح الثبات في شباب الإخوان.

كذلك أرى أن الله يهيء لدعوته من الشباب ما سيناسب المراحل القادمة التي ستشهد انفتاحا إعلاميا هائلا كما هو الحال الآن وأكثر، لذا فأنا أرى التحول والتنوع في دعوتنا أمرا صحيا، هذا إن استطعنا أن نتعايش (كما يقول عمرو خال) وأن يثري كل منا الآخر.

إن جيل المدونات والمنتديات يصنعه الله ليتناسب مع المرحلة الحالية والقادمة، ولكن عليه أن يعد نفسه إعدادا قويا ليظل امتدادا قويا لسلفه من المراحل السابقة في الدعوة.

هذه وجهة نظري أخيتي ... ربما تتفق قليلا مع أصل الموضوع وتخرج قدرا قليلا أيضا عنه ولكنها ذات علاقة به.

وسلام وافر واحترام كبير ودعوات جمة من أحد أبناء الأزهر للدكتور وابنته

Anonymous said...

ما شاء الله

مدونة رائعة اختنا الكريمة

اراها احدي المدونات القليلة الهادفة

دخلتها مصادفة ولكن لكم اعجبتني مواضيعها

ربنا يكرمك


الريدي

sharkawoo said...

اختنا الكريمة كلام حضرتك سليم جداً...

ولكن لن يكون ذلك إلا في نطاق واسع من الحرية ... إين يمكن أن يحدث مثل تلك الأمور ... فذلك الأمر صعب جداً...

قد يكون يمكن أن يكون مثلاً من خلال لقاءات بالتوك او ما شابه ...

قد لا تكون مثل الرؤية بالعين ...

وأتذكر في مؤتمر القاهرة أن الأخوة حينما يرون أحدي القيادات يجتمعون حولهم محاوليين سؤالهم ... وكم يكونون سعداء بذلك الأمر ...

ولكن هذا لا ينمع من رفع هذا الأمر ...

فكلنا في مركب واحد...

جزاكم الله خيرأً أختنا

محمد said...

الأخت سمية

كلامك صحيح مائة في المائة

وأنا كنت عرضت هذا الأمر على أحد الأخوة وناقشته فيه .. وتقريبا وصلتُ لما وصلتِ إليه

Aml Ghonaim said...

سمية :
طرح راائع ؛ وأنا فعلا أحس أننا نحتاج بشدة لأن نتكلم مع شخص مثقف ؛ ومسئول ؛ وواعى ؛ ونحن نحترمه ونقدره ونثق فى كلامه ؛؛
نحتاج لأن نطرح عليه تلك التساؤلات التى تملأ عقولنا ..
لا أدرى كيف يمكن ذلك ؛؛
ولكن يمكننا أن نطرح الموضوع ؛ وأن نحاول وضع خطة لتحقيقه ؛؛
ولعل الله يعين .....

واحد من الإخوان said...
This comment has been removed by the author.
واحد من الإخوان said...

حديث جيد وإقتراح ممتاز
وعند تحويلة لواقع سيواجه عدة امور

أولها
مين اللي هيقعد مع الشباب ؟؟
وهل اللقاء أو الملتقى المستمر هيكون ترف فكري ولا خطوة حقيقية للإستماع من أجل التغيير
ثانيا
لابد يكون للشباب رؤية واضحة يطرحها
مش مجرد محاولات للتفكير بصوت عالي
ثالثا
لو أفكار الشباب ما عجبتش الناس
لازم الشباب يكون عنده الية بديلة للتحرك لإقناع الناس بأفكارة ورؤيتة
وده مش معناه إن الألية دي حاجة وحشة ضد حد لأ المقصود بيه وسيلة سياسية تحترم تراث الجماعة الثقافي وفي نفس الوقت تسمح للأفكار دي تشوف النور

كل اللي فات مش الغرض منه التشكيك
ولا
تعقيد الأمور
لأ
الغرض منة
هو إننا نتجنب فشل الحوار قبل ما يبدأ
عشان تكون بداية صحيحة

محمد حمزة

مشروع انسان said...

هو فعلا موضوع مهم جدا جدا اذا حدث انفصال بين القيادات وبين الشباب ده معناه انه هييجى فترة والجماعة تنهار امال مين يسلم الراية للشباب بس الحمد لله العملية مش وحشة للدرجة دى اكيد بس برضه اكيد فيه مواهب شابة وامكانيات كتيرة جدا غير مستغلة ودى مشكلة كبيرة جدا وحكاية ان والدك يشوف المدونات فكرة كويسة بس عايزينها تبقى رسمية اكتر عشان تبقى من الجماعة بشكل اوسع ويكون فيه بعد كده اشياء بتترتب على كده ازاى يستغلوا المدونات دى او الشباب دول فى اعمال مفيدة تانية يعنى لان المدونات دى ممكن اخ يكتب فيها شئ يسئ للجماعة فالناس مش هتقول ده فرد لا هتقول شوف الاخوان يا سيدى والعكس اكيد صحيح فلازم بجد تتاخد موضوع المدونات باهمية ده ال cnn اهتمت بالظاهرة دى يبقى ازاى الجماعة متهتمش بيها ربنا يوفقك وتنجح الفكرة دى ربنا يسهل

مللت الصمت said...

انا شايفه ان فكرت ان هما يعملوا لقاء يجمع الشباب ده مش حاجه سهله

و هما موفرين اصلا الموضوع ده عن طريق الاسر

يعنى انا لو عايزه اوصل حاجه هوصلها لمسئولى و هو يوصلها لمسؤله و هكذا لحد ما تصل للقواد

انا عارفه انكم هتقولو صعب انها توصل و ممكن ينسوا او تحصل اى حاجه توصل وجهه نظرك,بس لو كل واحد اصر على فكرته واصر على انه يناقشها هتتناقش و انا مجربه...

و حتى لو ما اتنقشتش فى اسرتك هتفضل معلقه مع مسؤلك و هو هيسأل عنها و هيجى يفاتحك فيها بنفسه..

و اظن ان احنا عندنا حق فى اننا نثق تمام الثقه فى قيادتنا...

محمود سعيد said...

أنا الأول قريت تعليقك عند المهندس محمد حمزة وبعدين جيت هنا وانا عاوز أقول :

متعرفيش تقولى للوالد اللى بنقدره وكلنا بنحبه

أن فى ناس على أستعداد لعمل ملخصات أو دراسات أو أو ونوصلها لحد البيت كمان

ولو مطبوعة مش إشكال
مش ميل بس

وأهو حل مؤقت يفتح لحل أكبر منه

ثم أنا كنت سامع طراطيش كلام أن فى ناس متابعة الموضوع ده

وإن شاء الله يكون صحيح

همسة قلم said...

كلامك فكرني في فوكيرة كانت على بالي اوي ياسمية وكان نفسي اطرحها على حد من الناس الكبارة زي عمو عصام او عمو عبد المنعم
لاحساسي اننا فعلا عايزينها زي بالضبط ما احنا حتاجين يبقى فيه جسر تواصل بين الشباب وبين اللى فوق

كنت بفكر انه ليه مافيش في شباب الاخوة الاعلاميين الناجحين زي عمو عصام العريان ..وليه ماعندناش كوادر اعلامية متميزة تقددر تطلع في نشرات الاخبار قوية الحجة بليغة الكلمة قوية الشخصية .

يعني ليه ماعندناش اربعة عصام العريان مثلا من شباب الاخوة يكونوا قادرين على انهم يكونوا واجهة طيبة للاخوان المسلمين

واربعة خمسة ستة من الاخوات يكونوا زي جيهان الحلفاوي في مواجهتها للكاميرات والصحفيين والقنوات الاخبارية

كانت مجرد فكرة اتكلمت مع خالتو عليا زوجة عمو عبد المنعم فيها مرة في قعدة طويلة ..ونفسي اشوفها بتتحقق على ارض الواقع

زيها زي جسر التواصل بين الشباب والقيادات كده
:)

بن توفيق said...

كلام حضرتك سليم جدا

وفكرة حضرتك اكثر من رائعة وكم اتمنى ان ارها فى حيز التنفيذ .. ويكن هناك لقاء ولو شهرى بين اجيال الاخوان كلها

بين الكبار والشباب
ليس للتعرف على الرؤية ولكن حتى للاستفاده من خبراتهم

يلا مش مهم said...

والله
دعيتلك من قلبي بسببب ايجابيتك
وربنا يبرك في البيت كله كبيره وصغيره وبجد لو نجحتي في تنظيم وتنسيق مثل هذا الصالون هاتبقي سابقة تحسب للمراءة والبنات في صفوف الاخوان
وانا معاكم في تي وقت
بس يكون في ملوخية بالارانب
ماشي

cleopatra said...

يا ريت يا حبيبتي ... ده هيفيد كتييييييير


أٌقل فايده ممكن تتحقق ان الشباب دول يحسو ان صوتهم بيوصل .. وبيتسمع .. وان المدونات مش بس فضفضه ..

اسماء العريــان said...

سبحان الله يا سميه

هبقى اقولك سبحان الله على ايه بس بينى وبينك

بس الفكرة جامدة جدااا

بس هو فعلا من الصعب تحقيقها فى ظل هذة الظروف

وايدى على ايدك

mohamed said...

كنت سعيد لما قرأت البوست دا

وحسيت ان في خطوة ايجابية ممكن تتخذ تكون ضوء وامل في الاصلاح والتواصل

انما لما شفت الردود حزنت جداً من تفكير شباب جماعة الاخوان

وافتكرت بيت الشعر اللي كتبة احمد شوقي في الحمار لما قاله الجمل

سر فلزم أخاك الوتد فإنما خلقت كي تقيد

لقيت اصرار علي التلميع في كلام شهاب الازهر وامام الجيل

دا غير كلام سمية بدر بجد احزنني

او واحد من الاخوان

بجد مش عارف انتم ليه بترفضوا تبصوا لادام ليه دياما بصين تحت رجليكم وبس رافضين الاعتراف باي مشكلة او اي عيب علشان يتصلح

رافضين حتي يكون ليكم كلمة او صوت

لما شباب الاخوان كدا اللي هما المفروض شباب ملتزم وواعي وعنده هدف وقضية
الناس التانية تعمل ايه والشباب الضايعه بتوع الفيدو كليب واللي عايشة في الغيبوبة تعمل ايه وتفكر ازي


بجد ربنا يهديكم

Anonymous said...

مش عارف الكل مأزم الموضوع اوي ليه كده..........ماحنا بنقابل الناس اللي اكبر منا كل واحد ف منطقته طبعا وبنرفع صوتنا وبننتقد وبيناقشونا وبعدين هما الاخوان كانوا لسه مستنييت المدونيين علشان يسمعوا........يعني بقالهم 80 سنة والعجلة ناجحة ومكنش في تدوين والله.........مش معني كلامي تقليل شأن التدوين بس يعني مش غامقة اوي كدة يا جماعة ..........تحياااااااتي وسلام الله عليك

Anonymous said...

محمد صاحب التعليق اللي فوقي

مطلوب يا اخي الكريم انك ترفع صوتك لو حضرتك فعلا جوا الصف...والذنب عليك لو مش بتصر علي توصيل كلامك مش هما اللي بيلمعوا

david santos said...

Thanks for you work and have a good weekend

عاشقة الرحمن...سميه العريان said...

اولا اعتذر عن التاخير فى الرد

بس تقريبا مدخلتش من ساعتها

وفوجئت الصراحه بهذا الكم من التعليقات واحببت هذا التنوع فى الراى لان ده حاجه بتثرى المناقشه والموضوع

اخى محمد : سعدت جدا ان الفكره اعجبت حضرتك
ومن ناحيه متابعه الوالد للمدونات فانا مع الفكره لكن هذا لا يكفى لانه ممكن يتابعها مره وعشره لا

ده غير ان الدكتور عصام لا يمثل القيادات لوحده انا عايزه نحتك بكل القيادات لانهم مختلفين واختلافهم ده هيفيدنا كتير

انا شايفاهم بيكملو بعض عشان كده لازم نتواصل مع الكل عشان نتوصل لافكار كامله

ونفسى بجد نطلع بنتائج جيده ومتبقاش فكره والسلام

اخى شهاب الازهر:اتفق مع بعض ما طرحت
لكن كلام حضرتك كله لا يناقض فكرتى بشيئ

واحب ان اؤكد وازيد على حضرتك فى جزء الانفتاح الاعلامى

انا لست ضد هذا الانفتاح اما بالمدونات او غيرها

لكن كما قلت حضرتك لابد من اعداد جيد

يعنى الناس تتكلم على بصيره وهو ده هدف الفكره الى طرحتها

لاننا مش هينفع نبدا من اول وجديد ونسيب خبره اخوانا الكبار دون ان نستفيد منها بشيئ

ولا ارى ان الاسر كافيه لهذا الطرح

عاشقة الرحمن...سميه العريان said...

اخونا الريدى ...سعدت بمروركم وبان المدونه اعجبتكم

اخونا الكريم شارقاوى....صراحه لا ارى ضروره بانتظار ذلك المجال الواسع من الحريه لاننا كده هننتظر كثيييييرا

وارى ان مش شرط اننا نجمع الشباب كلهم مره واحده والقيادات مره واحده...انا مقلتش كده

ممكن تبقى على البال توك زى ما حضرتك قلت... يعنى من ناحيه التنفيذ ساعتها هنشوف انهو انسب ليهم وللاوضاع العامه
لو صعب عليهم البال توك يبقى نخليها على نطاق الجامعات مثلا
كل جامعه على حده...مش شرط نجمع كلنا سوا

وبالنسبه للمؤتمر فدى كانت اجتماعات مختلفه بعض الشيئ....لان فى الطرح الى انا مقدماه اهدف الى دراسه اوضاعنا الداخليه وحل مشاكلنا نحن الشباب كهدف اساسى ده طبعا بالاضافه للاجابه على جميع تساؤلاتنا

اخى وضاح...كويس انى مش وحدى الى بفكر فى الفكره دى بس يا ريت نبدا نفكر فى اهداف محدده واليه وطرح على الناس الى فوق

عاشقة الرحمن...سميه العريان said...

اصرار امل :الحمد لله ان الفكره عجبتك وشدى حيلك بقى فى وضع الخطه

واحد من الاخوان:مش عارفه ليه لامسه نبره ياس فى كلام حضرتك

بس صراحه لا اعتقد ان الاخوه الكبار هش هيعجبهم الكلام لو احنا اتكلمنا باسلوب محترم وقدرنا نوصل وجهه راينا صح

ويا ريت لو عند حضرتك طرح تانى تقولهولنا

امام الجيل:محدش قال ان الدنيا وحشه للدرجه دى بس ليه متبقاش حلوه اوى

ليه ميكونش عندنا اجابات لكل اسالتنا

ليه منشاركش فى اتخاذ القرار كمان

ليه منستفدش من الخبره الكبيره الى قدامنا دى

هو ده الى انا بتكلم فيه

سميه بدر:بصى يا بنتى اولا مش كل المناطق زى الى عندك
يعنى مش الكل بيسمع
انا فى الحى القديم بتاعى مكنش فى اتفاق ما بين جيل الشباب اصلا وجيا الناس الى ماسكه
وده كان سبب كفيل انى احول لحى تانى الاقى فيه حد يسمعنى

فليه منغيرش الاحياء كلها لناس بتسمع وتناقش
غير كده مش كل المسئولين فى الاحياء هتلاقيهم عندهم اجابات على اسالتك او بيرضو اصلا يجاوبو عليها

يعنى فى نسبه بيبقى عندها هوس امنى تخاف ترد عليكى

لكن قياداتنا الصراحه بحس ان عقولهم متفتحه عن كده كتير وده لان خبرتهم اكبر

عاشقة الرحمن...سميه العريان said...

الاخ محمود سعيد:ربنا يكرمك والله الوالد من ناحيته بيرحب باى حد يجيله

يعنى لو عند حضرتك اى حاجه عايز تعرضها عليه فهو لا يمانع ابدا

اسماء شحاته:امااال انتى رحتى فين يا اسماء ما انتى اهو وجه اعلامى نتوقع له النجاح والصعود الدائم

سيرى يا اسماء سيرى واحنا وراكى على المواسيرى :)
يالا يا بنتى ورينا همتك ونوصل الافكار دى كلها

الاخ بن توفيق:سعيده ان الفكره عجبت حضرتك وان شاء الله تنزل لحيز التنفيذ

الاستاذ مجدى:اولا اهلا بزياره حضرتك الاولى للمدونه وان شاء الله لا تكون الاخيره

لكم اسعدنى ان الفكره تعجب حضرتك واشكر حضرتك على هذا الاطراء الذى لا نستحقه

وان شاء الله اول لما الفكره تتنفذ الوالده تعمل لحضرتك ملوخيه بالارانب

وربنا يبارك فى حضرتك

كوكو حبيبتى :اهلا بيكى نورتينى..ويارب تنزل حيز التنفيذ

اسماء اختى:عارفه هتقولى ايه
والله الفكره دى كانت على دماغى بس مقولتهاش...اخوات وبنفكر زى بعض :)

مصراوى اوى:المشكله مبداتش مع بدايه التدوين المشكله موجوده من زمان بس الناس لما بدات تدون بدات تخرج الى جواها

وبالنسبه لحكايه المناطق دى فانا قلت قبل كده مش كل المناطق ولا كل المسئولين بقدرو يتعاملو مع فئه الشباب وتساؤلاتهم واستفساراتهم

بس الشباب دول لو ملقوش الى يسمعهلهم

لاما هيسيبو الاخوان لاما هيكملو بس هتلائيهم مش بيمثلو الاخوان بصدق

اخى محمد:هما ليهم وجهه نظرهم الى تحترم

يمكن معندهمش فعلا المشاكل الى الناس التانيه بيعيشوها

وده لاختلاف الاحياء فى سياستهم


واشكر الجميع على ارائه

شهاب الأزهر said...

السلام عليكم ورحمة الله وبركاته

يا هلا وغلا بالجميع، أرجعت الموضوع لأبدي فقط استغرابي من (واحد مش مع حد خالص) وبرغم انه مش مع حد ولا عارف حاجة عن حد شايف ان في ناس عندهم إصرار على التلميع في كلامها.

إصرار على تلميع إيه أو بتلمع مين أو لمعته في أي جزئية ؟؟ الله أعلم، لكن لأنه مش مع حد خالص لازم وجهة تكون مختلفة عن كل حد ويأسف على تفكير كل حد

فاهمين حاجة ؟؟

لأ؟

طيب الحمد لله :) :) :)

واحد من الإخوان said...

بالعكس انا كنت مؤيد للفكرة جدا

واللي قلتة ده عبارة عن حاجات تكون في الحسبان
عشان يتطبق الموضوع بشكل عملي وينجح

محمد حمزة

حارة سد said...

الفكره رائعه ونوقشت وطرحت من قبل عدة مرات ولكن ماذا عن المشكله الامنيه

mohamed said...

مصراوي :انا بالفعل مش من ضمن الصف في جماعة الاخوان

انما ليا علاقات طيبة بافراد كتير فيها

والمحزن ان الشباب هما اللي بيرفضوا يكون ليهم راي او صوت او فكر

طيب بالله عليك تلاقي سبب لدا

انا عن نفسي لو حبيت اوصل شئ هعرف اوصله لمين وازي انما مش هي دي القضية هنا



عاشقة الرحمن :حضرتك انا مقولتش ان كل الناس عندها مشاكل
بس هل كله برده معندوش راي او افكار
هل مفيش حد عنده رؤية مستقبيله وعنده طرح


في فجوة كبيرة بين القيادات والحياء وجيل الشباب
واي خطوة في سبيل سد تلك الفجوات او دراستها ومعرفه اسبابها هتكون خطوة محموده



شهاب الازهر : لا تعليق علي كلامك طالما انك عجزت عن الرد ودخلت في مهاترات

شهاب الأزهر said...

معلش يعني .. أرد على إيه ياصغنن؟؟

تقدر تقول لي في إيه في كلامك يترد عليه؟؟

هوا كل واحد عمل لنا فيها مفكر ومخالف ودخل شتم له شتمه وقال لنا انتو بتلمعوا يبقى عاوز يا إما نلعن الجماعة يا إما نبقى بنلمع ؟؟

يا حبيبي اقرا الرد وبعدين ابقى تعالى قل لي أنا بلمع إيه وفي أي حتة بالضبط؟؟

وبعدين المهاترات اللي انت بتتكلم عنها دي بتاعتك ... أظن انك انت اللي بدأت بقولك اني أنا وإمام الجيل "بنلمع" وسمية بدر كلامها محزن وخليت لنا الحكاية ضلمة لمجرد ان رأينا غير رأيك.. المهاترات اللي سيادتك شايفها دي بتاعتك انت وانت اللي بدأتها ومستمر فيها لوحدك

انت على حد كلامك مش من الإخوان ومع ذلك انت مصر ان الدنيا جوة الإخوان سودة أوي والشباب لاغيين عقولهم ومربوطين ومسحوبين بالوتد... مين بتاع الكلام المرسل والمهاترات فينا ؟ شفت انت الناس بتعاملنا جوا الإخوان فين والاّ منين ؟

بص يا بابا اتكلم في اللي انت عارفه وبلاش تخبط في رأي حد بعدين تقول مهاترات



ياحج مصراوي .. أنا عارف انك هتزعل مني بسبب الرد دا بس معلش.. أبقى أعوضه لك في رد تاني :) ؛)

mohamed said...

في ناس بتدي صورة سيئة عن الاخوان باسلوب كلمها وجهلها

جماعة الاخوان من الداخل ما اعلمه عنها فوق ما تتصورة

سواء علي المستوي التنظيمي او المنهجي

او اصدقائي من المسئولين جامعات القاهرة

من الجهل انك لاتعرف مع من تتكلم وكيف

ولكن بما انك من الناس اللي لغت عقولها واكتفت بالحفظ فطبيعي هتكون كدا
وبدل متكون مفيد للدعوة هتكون عبء عليها

mohamed said...

وعلي فكرة
اغلب مشرفي الجامعة متفقين معايا في التفكير والاهداف
وان كنا بنختلف في وسائل التطبيق

شهاب الأزهر said...

يا سلاااااااااام

شفت ازاي، طلعنا مش عارفين اننا بنتكلم مع اسم النبي حاسه وصاينه.

بص يا بابا، أنا ميهمنيش أنا بتكلم مع مين، لأنك مهما كنت خليتنا من الناس اللي لغت عقولها لأننا خالفناك في الرأي.

وخليتنا عبء لأننا مش متفقين معاك ومع أصحابك اللي بتقول انهم مشرفين، روح يا صغنن اقرا الرد زي ما قلت لك وهات لي "التلميع" اللي قلت لك عليه ومتهربش وتقعد تقول "حفظ" و"عبء" وعارف المشرفين وهما متفقين معايا.

والصورة السيئة اللي بتتكلم عنها فهي حجة وخلاص، أنا لما بتكلم بعبر عن نفسي وصورتي ولست متحدثا باسم الجماعة .. ماشي يا شاطر.. وأنت أيا كنت فالأفضل أن تتكلم بدون تسفيه وأن لا تلجأ لأسلوب أني مش عارف بتكلم مع مين وازاي أتكلم، أنا يا سيدي أد أصغر ولادك مش اخواتك، ولسه عيل في روضة، ومش هقول لك ازاي تكلمني، بس لازم يا حبيبي لما تكلم أي حد -(أي حد)- متفضلش تخبط وتقول انه بيلمع وبيكتفي بالحفظ ولما يقول لك بنلمع في إيه تجري تقول له انت جاهل ومش عارف تتكلم مع مين وازاي..

ماشي يا ... (ياعالم.. يا اللي أسلوب كلامك كله علم وممتاز .. يا اللي عارف في الإخوان من أول الشبل اللي بيقعد جديد معايا لغاية المرشد فطر إيه النهاردة .. يا اللي مش مكتفي بالحفظ ومش عبء على الدعوة ولا حاجة .. يا واصل وعارف مسئولين جزر تاهيتي) مبسوط يا عم .. بس ابقى اعرف ازاي تتكلم مع اخواتك اللي في روضة ومترميش شتايم وخلاص

mohamed said...

مش انا اللي بسفهك لانك سفهت نفسك فعلا باسلوبك المتدني

شهاب الأزهر said...
This comment has been removed by the author.
مسـتنـية الفـرج said...

احب انا الناس اللي عايشه الحياة بمبي
والقياده لا تخطىء
والثقة العمياء فيهم تجعلني اسير خفلهم دون نقاش
ووووووووووووو
احلام واوهام انهم يعبرونا
كتر خير الدنيا لو المسؤل بتاعك قداك 5 دقائق لواحدك؛احنا زمان ايام الجامعه كنا بنمسك طنط المسؤله ونرغي رغي غير عادي
دة يدل علي ايه؟
شحححححححححححححححنه
ششششششششششششششحنة
تبحث عن منفث
كمان فى السن بتاعنا الحوار اساس التكوين
مين بقي ياجميله هنا بيعبرنا؟؟



ملحوظه:أنا قلقانه من أسم عاشقة الرحمن
ممكن تبقي عاشقة جنة الرحمن

None said...

بجد فكره جميله وياريت تححقق

بس فعلا لازم ناخد فى حسابنا لام واحد من الاخوان استاذ محمد حمزه
علشان ميبقاش حوار وخلاص
وان كان الحوار لوحده كافى ليطفىء نار الشباب وحماسهم

وربنا يكرم وتححق الفكره
وسلااااااااااام

شاويش said...

560

شاويش said...

والله الموضوع غريب جدا

يعني الموضوع لية يبقي شخصي في الدكتزر عصام او غيرة

هي لامواخذة قيادات الجماعة متعرفش ان في حاجة اسمها شباب محدش فيهم بيشفهم الا وهما نزلين علي اخوان اون لاين بالبدلة البيضاة بعد الاعتقال

حد هنا من الاخوان يعرف عدد مكتب الارشاد كام ومين هما
مرة عملتها في منتدي حلوان محدش من الاخوة الكرام عرف والكل لف علي نفسة
يا شباب لو القيادات تعرف فعلا شبابها عاوز اية وفي دماغة اه الي جوها كان الحال اتصلح لكن ده مش بيحصل

القيادات نسيت ان في حاجة اسمها تواصل واكتفوا فقط ان يقابلونا في معسكرات الجامعة يتكلمونا عن فكر الجماعة بصوا من الاخر كدة الحال مش هيتصلح طول ما انا بقول انا حاسس بثقة في القيادة والكلام الغريب ده انا مرشد وانت مرشد وكلنا مرشدين وكلنا قيادات

شاويش said...

ادخل عندي من فضل

مين القيادة ومين انا

فلسطينية الهوى said...

لا هما الاخوان رائعين وفل الفل

وأبدا أبدا م بيبيعوا أبنائهم

سؤال بس للأخ المتحمس اللي شايف الدنيا وردي وداخل يستخدم أسلوب مسف في الحوار ردا على محمد عشان قال تلميع

مادام الدنيا وردي كده

قولي حضرتك كنت فين وقت عرض عبدالمنعم عالنيابة

كنت فين لما عرفنا أن الطلبة بيتعذبو وبيتحرش بيهم جنسيا ؟؟

كنت فين و الأمن بيجري ورانا

كان فين قيادتك اللي حاسين بهموم الشباب في الوقفة ؟؟

بصوا بجد حقيقة لا أجد كلام


لا تملكون سوى الكلام


هسيبكم يمكن الكلام ينفعكم

اسماء العريــان said...

مش عاجبنى الحوار خااااااااااااااالص

شاويش said...

560

شاويش said...

طيب

فعلا الموضوع كدة دخل في الغميق

لو ينفع نقفل البوست ده وخلاص

احسن

شهاب الأزهر said...

الأخت بتاعت الألوان البمبي والكحلي والفزدقي، على ما أظن ان مفيش حد قال في الحوار كله ثقة عمياء وان الليلة زي الفل، كل ماقيل باختصار -وياريت تبقوا تقروا قبل ما تردوا- رأيين.

الأول : الاختلاف طبيعي بين الأجيال وكل جيل يقيضه الله لدعوته في وقته؟

الثاني : الاختلاف غير طبيعي بسبب انسداد أسماع القيادة عن الشباب

طبعا الكل عارف صاحب كل رأي، عاوز ينتقد الرأي الثاني المخالف ليه يبقى من غير كلام كبير ودنيا بمبي وإصرار على التلميع، ياريت نبقى نقرأ الرأي الآخر قبل الانتقاد

ممكن دلوقتي ترجعوا للردود اللي كتبتها وتجيبوا لي ما يدل على "التلميع" أو "البمبي"؟؟ لو ما جيبتوش يبقى كلامكم كله يدل على عد قراءتكم لردودي وكلامي أنا أو إمام الجيل اللي بتقولوا ان فيها تلميع..

دي حاجة .. ثانيا الكلام والأسئلة اللي حضرتك رميتيها أنا مش هرد عليها لغاية ما تردي عليا وتجيبي الألوان اللي قلت انها في كلامي

Anonymous said...

اختي الكريمة عاشقة الرحمن

اري انه من الافضل تظبيط رد الاخوة

او حتي مسحة نهائيا

وجزاكم الله خيرا

فـراس said...

شكرا وانا شايف انها شىء رائع

إخوانية مصرية said...

ياسمية حطيت ايدك علي بجد بحلم بيه
فعلا بجد كتير بحس اني تايهة
وعندي اسئلة كتير جداا وبقعد افكر مع نفسي انا طبعا بسال بس هقولك الاجابات دي مش بتشدني بحس انها ناقصة
فعلا في فجوة وثقب
ولازم يكون في حوار
حوار غير محصور في بلد معين او مدينة معينة حوار يدور في مصر بارجائها مش لازم يكون المرشد الي بيحاورنا
يكون نائب المرشد في المكان دا خير وبركة
بس فعلا بجد نفسي الموضوع دا يتحقق