Friday, April 20, 2007

ألم الحيره





من السهل عليك أن تأكل ما تريد ...


أو أن تذهب إلى حيث شئت ...


أو أن تتحدث إلى من تريد ...


أو أن تقاطع من تريد ...


أو أن تشتري ما تريد ...


أو أن تقرأ ماتريد


أو أن تلبس ماتريد


لكــــــــــــن ....


من الصعب عليك أن تقرار ماتريد ...


خــــاصة ...


إذا كان قرارك لا يخصك واحدك يل يخص أشخاص آخرين ... من الممكن ان يغضبوا لهذا القرار ... ليس فقط الغضب بل سيلحق بهم الآذى ...


حينهـــــــا


تتوقف لحظات ... بل أيام قد تمتد لشهور قبل أن تتخذ القرار ...


حينهـــــــا


يتملكك ألم الحيره ....


العقل أم العاطفه ...؟!!


أنت أم الأخرين ...؟!!


لاتدري مــــاذا تفعل ...؟!!


أو كيف تفكر ...؟!!


تتمنى ....


تتمنى حينهـــا لو يتوقف الزمن حتى لا تتخذ القرار ...!!


تتمنى لو أن القرار ليس بيدك أنت ...!!


تتمنى أن تنتهي بك الحياة قبل أن تنهي حياة الآخرين ...!!


أو


أن تعيش جسد بلا روح

18 comments:

المـ(همس)ـشاعر said...

سمسم .. أيه يا حبيبتى ليه كده؟

هو احنا بهتنا عليكى و لا إيه ؟

دى أخرة عشرة بتوع إعلام و لا أيه

طمنينا عليكى يا توتو


ضاقت فلما إستحكمت حلقاتها فرجت

حمدت الله عند الضيق و عندما فرجت :)

محمود سعيد said...

آه من الحيرة
ديه أكثر حاجة بتضايقنى فى الحياة
مبعرفش أبداً أفاضل بين أى حاجة

بخاف من القرار
بس ديه فترة حالية أنا باعيشها لكن أظن (ومن كلام ربنا ومن التجارب السابقة) أن الإستخارة والصلة بالله بتضيع الموضوع ده


صحيح أحب أبارك لك و لأختك بتخطيكم الخوف من أسم عصام العريان

كش ملك said...

جزاكى الله خير موضوع رائع ..

بس يمكن انا مش كدة يعنى مثلا انا لما بحب أتكلم بتكلم لما أشوف غلط بقول لا ومبخفش ممكن يكون فى بعض الصمت ولكن مش صمت خوف أو جبن ولكن صمت للحظة الموعودة .. تخطيط ..

ياريت حضرتك تكونى فهمتينى ..

محمد said...

إعترضني موقف

فكرت

إحترت

قررت

أخطأت

..

تعلمت

وتستمر الحياة

صاحب البوابــة said...

( تتمنى لو أن القرار ليس بيدك أنت ...!! )

الى متى سيظل القرار بأيدي غيرنا

تحياتي لكل من أحب مصر

وعمل لأجل ذلك

barbie girl said...

صلى استخارة وان شاء الله ربنا هيختارلك الخير

شروق الشواف said...

حبيبتي سميه

هي دي سنة الحياه

من اختبار لآخر

بس أكيد في استفاده من التجارب اللي بنمر بيها

عاشقة الرحمن...سميه العريان said...

اشكر الجميع على التعليقات دى

وارجو من الجميع ان يدعو لى بان يدبرلى امرى

ويجعلى مخرجا من عنده

me said...

اللهم اجعل لها من كل هم فرجاً ..
ومن كل ضيق مخرجاً ..
اللهم خير لها واختر لها
**
طيب يا سماسم بالمناسبة ابقى فوتي ع المدونة اللي لسة طالعة من البيضة دي ..وعبريني
..
أختكم مبتدئة جديد :)
وعايزة تشجيع

mohamed said...

قرارك يعني ذاتك يعني هويتك
يعني حياتك وان تأخر الانسان في اتخاذ قراره فان حياته تتوقف حتي يتخذه
او تضيع مع ضايعه
فهناك من يندم علي قرار أتخذه ..وهناك من يندم علي قرار لم يتخذه

قسما سأنتصر said...

مدونه رائعه
واسمها ايضا رائع

AbdElRaHmaN Ayyash said...

ما شاء الله عليكي
مش ممكن
الكلمات دي فعلا حلوه اوي
انا وانا في المعرض كان في كتاب اسمه ..
متى نتعلم قول لا للآخرين
المشكلة باختصار ..
إن في ناس .. مش فاهمها انها أهم شخص في الدنيا
أنا بالنسبة لي .. أنا أهم شخص في الدنيا
زي ما دعاء عادل بتقول
هي مركز الكون
بس
----------------
وقع بيان المدونين للتضامن مع عبدالمنعم محمود
شارك بتوقيعك
أنشر البيان في كل مدونة تعرفها
ساهم في حرية المدونين .. وحرية منعم
http://free4monem.blogspot.com/

مشروع انسان said...

اكيد فعلا الواحد بيقابله لحظات بيكون متحير جدا بس لازم يكون شجاع ةالقرار اللى شايفه ممكن يكون صعب وخطير ومش هيقدر عليه لازم يقدم على تنفيذه مصداقا لقول ربنا(ادخلوا عليهم الباب فاذا دخلتموه فانكم غالبوان)يعنى الحاجات اللى بنشوفها صعبة جدا لما نقرب منها ونحققها بنلاقى مفيش اسهل منها وان احنا كنا مكبرين الموضوع على الفاضى عليكى بالاقدام وعدم التردد

Aml Ghonaim said...

كأنك وصفتى ما أحسه بالظبط ...
حين يتعلق القرار بغيرنا ؛؛
ماذا نفعل ؟
وحين تكون المسئولية فى يدك ؛ كيف تقررى ؟!
أسأل الله أن ييسر لى ولك ويجعل لى ولك من كل هم فرجا ومن كل ضيق مخرجا ...
دعوااااااااااااااتكم ...

عاشقة الرحمن...سميه العريان said...

اشكركم كلكم

بس بجد فى كلمه للاستاذ محمد لفتت انتباهى وخلتنى ارد

وهى اننا ممكن نندم على قرار اخدناه وممكن نندم على قرار ماخدناهوش

بس المشكله الحقيقيه انك خايف تاخد قرار تندم عليه بعد كده وفى نفس الوقت خايف متاخدهوش فتندم برده

وهنا تكون الحيره الم

mohamed said...

ربنا يعزك

في حاجة اسمها تكلفة الفرصة البديلة

بمعني لو ادامي اكتي من خيار

معني اختياري لواحد خسارتي للمنفعه اللي هتتحقق من الخيارين التانين


ودا معناه ان اي خيار هيحقق منفعه هتساوي المكسب من الاختيار دا +الخسارة اللي هتتحقق من اختتيار اي بديل تاني

وهيحقق خسارة هتساوي اضرار الخيار دا + المنافع والمكاسب المفقوده من عدم اختيار بقيت الخيارات


يعني لو خيار س وص وع

واختارتي س

معني كدا مكسبك هيكون

منافع س + اضرار متجنبة من تنفيذ ص+اضرار متنبة من تنفيذ ع

وهيكون الخسارة

الاضار متحققه من تنفيذ س +مكاسب مقوده من عدم تفيز ص + مكاسب مفقوده من عدم تنفيذ ع




المهم

بعد الفيلم دا كله

حضرتك أحسبيها ايه اللي هيحقق مكاسب اعلي واضرار اقل طالما كدا كدا في اضرار


شوفي الايجابيات والسلبيات لكل قرار وبناء علي اولويات هاقدري تقرري باذن الله

وصلي استخارة علي القرار اللي توصليله


اتمني مكنش رغيت كتير في كلام ملوش لزمة

Anonymous said...

فعلا .. بيكون صعب اوي لما تفكري في خطوة .. بس تتراجعي .. علشان هتأثر كمان علش ناس تانيين .. أخر شئ تتمنيه انك تجرحيهم ..


cleopatra89

مللت الصمت said...

سميه حبيبتى وحشانى والله.

انا مع كلام
mohamed

و ده كلام حلو جدا و ملخص الوضوع بس مافيش حد هيفهمه غير بتوع تجاره.


و انتى عارفه انا قدام اختيارين فظاع و مش عارفه اختار ايه..

فلما اشوفك ابقى فكرينى اقولك عشان اخد رأيك

و بدل الهم ده كله نقوم نعمل استخاره وننجز.