انا مش عارفه ابتدى منين الكلام انا كنت ناويه اعمل بوست تعليق عن كلام شاب مصرى
بس انا لسه قافله الخط مع واحده صحبتى اوى وعزيزه عليا اوى
وبجد مقدرتش اكتب كلمه عن الموضوع
والبوست ده انا عاملاه ليها هى
بجد اتالمت كتير اوى من كلامك معايا على التليفون وبكيت بعد ما قفلت معاكى الخط
انا مش هقول اعذار ولا هطلب منك انك تلتمسى ليا اعذار
انا كل الى هطلبه منك انك تسامحينى من قلبك
انا مش عارفه انا عملت فيكى حاجه حلوه تفتكرهالى ولا لا
اتمنى انى الاقى رصيد ليا عندك يغفرلى الغلطه دى
وبجد والله انا مش بفضل مصلحتى على اخواتى...انا بجد زعلانه ان الحركه خرجت منى كده فى الاخر
بس بجد وبتكلم بكل صدق وربنا شاهد على الى هقوله
له الحاجه دى مضايقاكى انى اكمل فيها فانا مستعده اسيبها عشانك
انا عمرى ماهضحى بيكى عشان اى حاجه خاصه لو كانت دنيا
الفرص دايما بتيجى وتروح لكن الاصدقاء عمرى ماعرف اعوضهم
انا مش هاعرف انام الا بجد لما تقوليلى انك مسامحه من كل قلبك
وباعترف انى غلطت فى حقك واخطات
واطلب السماح والغفران...وهى حاجه مش بعيده عليكى
17 comments:
امممممم
لازم اكون اول واحد يعلق يعني ؟؟
طيب خير
انا مش عارف اقول ايه
الا انني احس ان البوست ده فيه شوية مشاعر اخوية عالية
وربنا يفتح بين حضرتك و صديقتك بأذن الله
وعليك اختي الكريمة بالدعاء
قال حبيبي المصطفي :
طب اسمع الصلاة علية
" انه لا يرد القدر الا الدعاء "
الريدي
في واحد بحبة جداً اتعملت منه كتير ووقف جمبي كتير
الشاب دا كان مسئول عن حاجات معينة وكنت بشاركة نفس العمل
بعد اربع سنين كنت بتكلم معاه
قالي يا محمد فاكر لما كنا في سنة تانية لما فلان عمل مشكلة كذا وبوظ شغل كذا وانا شديت عليه ومشي زعلان
طبعاً كنت فاكر اليوم الموقف دا
المهم الشاب دا كمل كلامة وقالي
انه لقي ان كل الاعمال اللي قام بيها في الكلية والحاجات اللي اشتغل فيها متساويش ان اخ ليه يروح زعلان او مضايق منه
وانه ندمان علي اللي عمله يومها
الموقف دا اثر فيا جداً
وبحاول استفيد منه علي قدر المستطاع واطبقه في حياتي
مدام أنتى بتحبيها كل الحب ده أكيد هتسامحك يا سمسم
زى ما انتى حريصه عليها و على صداقتها هى ان شاء الله هتكون أحرص
ساعات بحس ان مش ممكن حد يكون بيحب حد أوى أوى و الناني مش بيحبه كده برضه و ممكن اكتر ..
مش عارفه ليه الفتره دى فتره تنشنه و ناس كتير زعلانه من بعض
في ايه بس؟:(
ربنا يهدى النفوس و يديم الود
أعادكم الله لبعضكم
ودامت مودتكم
ربنا يخليكو لبعض :)
ربنا يكرمك يا سمسمة
لا حول ولا قوة الا بالله
ان شاء الله خير وحاولى توصلى ليها مشاعرك دى وتنازلى شوية عشان تسامحك مدام غلطتى فى حقها وربنا يديم الخير بينكم والحب
يقول الرسول صلي الله عليه وسلم :
من نظر لأخيه نظرة ود غفر الله لهما
الريدي
أظاهر إن الموضوع كبييييييير وانا مش فاهم حاجة ..
ممممممممممممممم
لأ متقاقيش هى قلبها كبييير وأكيد مش بتشيل أنا عارف حتى أسئلينى كدة ..
ربنا يخليكوا لبعض
يعطيك العافيه
وتخليكم لبعض
سلام عليكم
واحد متطفل زيى كده لما يقرا البوست ده يبقى هيطق لو ما عرفش فى ايه .. يعنى بالنسبالى ببقى لازم اعرف ايه اللى حصل كله او ما اعرفش اى حاجه خالص .. وعموما انتى كده عملتى اللى عليكى مهما علطتى .. انتى اعتذرتلها قدام العالم كله .. فمن مكانى هذا اطالب اختك فى الله ان تعفو عن وتسامحك ...
انتى فين بقى
مقولنا خلاص :D
الطيب احسن والمصرين فى البطن بتتعارك والله غفور رحيم
خلاص اختنا سامحيى اختنا
وان الله غفور رحيم :)
ربنا يديم اخوتكم
ربما لا يناسب طراز هذا البوست الفضوليين امثالى :]
كل عام وانت اخوان
كل عام وانت طيب يا د عريان
كل عام وانت على سنه نبينا العدنان
كل عام وانت احمل انسان
كل عام وانت حبيب الاخوان
كل عام يا دكتور يا فنان
كل عام وانت لمصر زى الشريان
كل عام وانت بصحه وسلاام
ابنك فاروتا المصرى الغلبان
هي مشاعر جميلة وإحنا بنفتقدها ما بين بعض
والظريف إن المدونة بقت مكان مناسب للتعبير عن المشاعر دي
ومشاركة الأخرين في حمل هذه المشاعر
محمد حمزة
Post a Comment