إلهى....اشتاقت نفسى لرؤياك
إلهي ......اشتاقت روحي للصعود إلي السماء
هناك.........حيث النعيم
هناك.......حيث متعه النظر إليك.........إلي وجهك الكريم
هناك......حيث الرسول.......وصحبه الجنان
هناك......حيث النعيم .......الذي لا يضاهيه نعيم
الهى ألم يحن الأوان بعد....فإني قد مللت الإنتظار
ترى سيأتى هذا اليوم ......أم انني لا أستحق
أرجوك ربي.........لا تحرمنى هذا اللقاء......فإنى في أشد الإحتياج
أشتاق ربي لرؤيتك.....لزيارتك.....وقبل ذلك عبادتك
فعلمنى ربي كيف أعبدك حق العباده .........كى أراك يوم اللقاء
30 comments:
جميل جدا
مشاعر صادقة
ربنا يكرمك حبيبتى
برده فى .....ناس بتصلى ...وناس بتصوم.....ناس بتجاهد جوه السجون.....وتستمر الحياة
على فكرة أنا شاكك أن لكى أخت عندها مدونة
اللهم تقبل اللهم لا تحرمنا
جزاك الله خير
ما شاء الله
كلمات رائعه
وبداية رائعة لمدونة جميلة
أحييكي
وجزاكم الله خيرا على التعليق عندي :)
اي مدون اخوان او مدونة يعلقوا عندي يا اخواننا عشان نعرفهم
سلام
شكرا يا عربيه على تعليقك ويارب نكون صادقين فى العمل اكتر من كده
الاستاذ محمود سعيد : اعجبنى تعليقك جدا بس حضرتك مقلتش مين اختى الى حضرتك شاكك فيها :)
الاستاذ محمد عنانى الهم امبن و جزانا واياكم
الاستاذ عبد الرحمن عياش ....اهلا بحضرتك فى المدونه
وشكرا على اطراء حضرتك
ويا رب اجعلنى عند حسن ظنكم
وجزانا واياكم
كلنا والله إشتقنا أختي الفاضلة
اللهم إرزقنا حلاوة النظر إليك
و لا تشقينا بحرماننا منها ...
قولوا آمين
صاحب الهوامش
http://www.algam3a.com/hawamesh
انا كمان شاكك ان ليكي اخت عندها مدونة...........مدونة هاتحدي احزاني مش كدة؟؟؟كدة احسن بردو
استاذ انس اهلا بحضرتك....ون شاء الله كلنا نتمتع بالنظر الى وجهه الكريم...امين
استاذ مصراوى اوى هى فعلا اختى تبقى بتاعه هاعيش واتحدى احزانى
بس هو احنا باين اوى كده اننا اخوات
ولا تعليقى عندها هو الى بين
يعنى عرفتو ازاى
اللهم اعنا جميعا على
حمدك
وشكرك
وذكرك
وحسن عبادتك..
اللهم احينا على طاعتك
وامتنا على طاعتك
بارك الله فيكى أختى الفاضلة وأنالك ما تتمنين
وأعزك بالإسلام وأعز الإسلام بك
بداية رائعة
أبو حنين السكندرى
جيل الصحوة
انا بس باسأل الشك ده فى محله ولا لأ
مش مهم مين
هو أنا باعرف الغيب
باربى جيرل :نورتى المدونه ويا رب اجمعنا دايما على طاعته
ابو حنين السكندرى :اشكرك على الدعاء
استاذ محمود : محدش بيعلم الغيب وانا اسفه اذا كان ردى ضايق حضرتك
أنا متضايقتش ولا حاجة
:-)
بس انتى كده برضه مردتيش
أفهم من كده أنك ممتنعة عن الرد
وده حقك طبعاً
وأنا أسف إذا كنت أنا ضايقتك
لا ابدا انا مش ممتنعه عن الرد
لكن لو حضرتك بتقرا التعليقات كلها كنت عرفت انى قلت هى مين اختى :D
هاعيش واتحدى احزانى
انا عندى مشكله يا جماعه لو حد يقدر يحلهالى
عايزه اعمل بوست جديد بس كل اما ادخل يكتب العنوان والتوقيع تحت
لكن الموضوع نفسه بيعلق ومش بيرضى يكتب ولا حرف
علما ان الجهاز مليان فيروسات
فهل فعلا هى الى ماثره ولا حاجه فى المدونه نفسها
وشكرا
أخخ
ده أنا مفروض أتكسف على دمى فعلاً
هششششش
وبالنسبة لمشكلتك
أظن أنك بتشتغلى بإنترنت إكسبلورر
وبتدوسى publish
مبيعملش حاجة صح
يبقى فيه مشكلة فيه
ممكن تنزلى فايرفوكس
أو تصلحى الجهاز اللى مليان فيروسات
وأتمنى تقبلى بقى تاج منى (التانى مش الأولانى)
كمصالحة على إنى عامل زى الـ مش عارف إيه ومقريتش التعليقات
ولربما أحرجناكى بإصرارنا على التأكد من هذا الشك
(الفضول وحش قوى)
مشاعر جميله وقويه ,,, ويظهر الحماس الرهيب من خلال مدونتك اللطيفه ,ويا رب اهدي كل بنات المسلمين .
تحياتي
أستاذه عاشقة
و الله و الله و الله انا ما اتريقت ولا قصدت اتريق في ردي في المدونة عندي
بس انا فعلا رجعت عن رأيي لأني فهمت حضرتك :)
اسف على الاسلوب
همسحه لأنه واضح انه معجبش حضرتك
لكن انا فعلا مقصدتش اتريق خالص
انا كنت بتكلم بجد جدا جدا جدا
آسف مره تانية
تحياتي
وسلام
اختى
كلامك عجبنى
سيبيلى الاخ اللى نايم فوق دا
تابعونا هناك بعد الاعلان
/
لكن برضوا يااختى المدونات ليست مساجد ويجب ان يكون صدرك رحب
يعنى لو قلتلك دلوقت انك متدروشة وعامله فيها رابعه العدويه لازم تردى بمنطق الاقوياء ومتخليش حد يسجل انتصار على حساب غضبك
اتفقنا
آخر مره بقى هه
البوست جامد جدا .. بجد اتمنالك مستقبل باهر فى كتابه الخواطر
اخ جوست
لاننا من الاخوان وبنحترم كل وجهات النظر .. فانا احترم وجهه نظرك ولن اجادلك فيها
واترك عاشقه الشهادة تاتى للرد عليك
ربنا يبلغك ويبلغنا ما اشتقت اليه
أمين
معلش يا جماعه اسمحولى ارد على الاخ جوست اول واحد
اصل عايزه ارحب بيه اخر ترحيب
اولا يا اهلا بحضرتك فى مدونتنا المتواضعه الى هى صغيره اوى ان حضرتك تزورها
ثانيا حضرتك كبرت من قدرى اوى اوى انا فين ورابعه العدويه فين يا ريتنى ابقى حتى تمنها
ثالثا فى ما يتعلق براى حضرتك فى الخاطره فهو على راسى من فوق بس اظن ان المدونه دى حاجه تخصنى انا وليس من حق اى حد انه يملى عليا ما اكتبه
اه صحيح ده انا نسيت ان الدستور الجديد كده يطلعنى ارهابيه وبحرض على الجهاد
رابعا بالنسبه للاستاذ عياش فانا موكلتش حد واصى عليا عشان يتكلم بلسانى
ونورت المدونه :)
الاستاذ محمود سعيد انا مضيقتش خالص
ومفيش حاجه تستاهل الاعتذار بس انا هقبل التاج برده :)
انا بس مستغربه ان ناس عرفت انى اختها من اول بوست انزله
واهلا وسهلا بحضرتك فى اى وقت
الاستاذ ابن ناصر اهلا وسهلا بحضرتك وان شاء الله ربنا يهدى الجميع
الاستاذ عبد الرحمن عياش اهلا وسهلا بحضرتك ومفيش حاجه حصلت لده كله واهلا بحضرتك فى اى وقت :)
اسماء حبيبتى نورتى المدونه ومتقطعيش الجوابات :)
الاستاذ عمر اهلا وسهلا بحضرتك ويا رب تقبل ان شاء الله
ربنا يسامحك
يسامحنا كلنا :)
بس انا مش مسامحك
وبعدين ربنا ما بيسامحش عيال
:) مشاعر رائعه يا حبيبتي
cleopatra89
Post a Comment